Yaxın vaxtlarda Füzuli və Cəbrayılda da futbol komandaları yaradılacaq. Bu barədə qərar cümə günü, iyunun 16-da Azərbaycan Futbol Federasiyaları Assosiasiyasının (AFFA) İcraiyyə Komitəsinin iclasında bildirilib.
AFFA İcraiyyə Komitəsinin üzvü Elmar Məmmədyarovun mətbuat nümayəndələrinə verdiyi məlumata görə, görüşdə Azərbaycanın işğaldan azad edilmiş ərazilərində futbolun inkişafı məsələləri müzakirə olunub.
Yeni komandaların yaradılması
"Biz Füzuli və Cəbrayılda hərəyə bir komanda yaratmaq barədə razılığa gəldik, gələcəkdə Zəngilan, Laçın və Kəlbəcərdə də komandalar yaradılacaq. Müvafiq proqramın hazırlanması AFFA-ya həvalə olunub", - Məmmədyarov qeyd edib.
Sabiq diplomat ümid etdiyini bildirib ki, Azərbaycan komandası şənbə günü, iyunun 17-də Estoniya yığmasını məğlub edərək AVRO-2024-ün seçmə mərhələsində ilk üç xalı qazanacaq.
Bakı “Neftçi”sinin Sankt-Peterburqda beynəlxalq yoldaşlıq turnirində iştirakına da münasibət bildirmək üçün icraiyyə komitəsinin üzvünə müraciət olunub.
"Buna siyasi nöqteyi-nəzərdən yanaşmayaq. Bu, idman növüdür. Yaxşı turnirdir ki, "Neftçi" yaxşı komandalarla oyunlarda daha çox beynəlxalq təcrübə qazansın. Ümid edirəm ki, onlar bu turnirdə yaxşı çıxış edəcəklər", - Məmmədyarov qeyd edib.
Azərbaycan Premyer Liqasının iştirakçıları
Qeyd edək ki, növbəti mövsümdə futbol üzrə Azərbaycan Premyer Liqasının iştirakçılarının sayı dəyişməz qalacaq - bu yaxınlarda başa çatan çempionatda olduğu kimi, 2023/24 mövsümündə də on komanda iştirak edəcək. Turnir cədvəlində sonuncu yeri tutan Şamaxı klubu birinci diviziona yollanacaq, onun yüksək diviziondakı yerini isə birinci liqanın qalibi olan “Araz-Naxçıvan” tutacaq.
AFFA-nın baş katibi Sərxan Hacıyevin qeyd etdiyi kimi, növbəti mövsümlərdə divizionlar arasında rotasiya davam edəcək. Onun sözlərinə görə, bu, birinci və ikinci diviziona da şamil olunacaq. Üstəlik, ikinci divizionda sonuncu yeri tutan klub regional liqaya çıxacaq.
Onu da əlavə edirik ki, millimizin sabiq futbolçusu Vitali Borisov futzal üzrə Azərbaycan yığmasının baş məşqçisi vəzifəsinə təsdiq edilib.
